وەزارەت ناوخوەی لە بەیاننامەیگ رەسیە ئاژانس شەفەق نیوز وت، "لەبان بڕیگ لە تووڕەیل کۆمەڵایەتی بخەوەر مەرافیگ هووزانە لەناوچەی (فەریحەی) پارێزگای کەربەلا بڵاوکریا.

وتیش "دەرچگە مەرافیگ لەناو ئاموزایەیل رویدایە وەبی ئەوەی کلەمەداری بوود، هێزەئەمنیەیل پارێزگاگە رەسیە  (33) توومەتبار دەسگیرکردیە لە لایەن مەرافکەرەیل، و دەسگردیە وەبان چەکەیلیان.

هەمیش، پۆلیس فدڕاڵی دەسگیرکردن 28 توومەتبار راگەیان وە دۆسیە یاسایی جیاوازیەیل ناوچەیل جیاواز بەغدای پایتەخت.

فیدڕاڵی لە بەیاننامەیگ رەسیە ئاژانس شەفەق نیوز وت، "لە زنجیرە ئۆپراسیۆنەیل ئەمنی کە هێزەیل پۆلیس فیدڕاڵی لە چوارچمگ تەقەلایەیل جیوەجی کردن ئەرا دەسگیرکردن ئەندامەیل تاوانکار، توەنستن بەشەیل تیپ یەکەم وە پشت بەسین وە تەقەلای هەواڵگێری 28 توومەتبار وە مادەی یاسایی جیاواز دەسگیربکەن".

وتیش مادەیل یاسایی جوراوجورن لەناوەین (مادەی هووشبەر، رفانن، ساختەکاری، مەراف، دزی، دەسدرویژی وەبان موڵک گشتی، قاچاخ،  هەڵگردن چەک بی مووڵەت)"، دیاریکرد توومەتبارەیل خەڵک ناوچەیل  (تەویسە، نەهڕەوان، ئاوای 10، زەعفرانیە، کەرادە، پیەڵ دیالە، بەسمایە، بیتاوین، بوسیلە، ناحیەی وەحدەت، تەئمیم) لە بەغدان، و لەناوچەی  (دەبوونی) لەپارێزگای واست".

دیاریکرد "توومەتبارەیل ئەرا لایەن پەیوەنیدار کلکریانە ئەرا تەوەوکردن رێکارەیل یاسایی و لێکۆڵینەوەی پێویست".