شەفەق نیوز/ سەرچەوەیگ ئەمنی لە کەرکوک، ئمڕوو سێشەممە، خەوەردا لە پەیاکردن تەرم گەنجیگ خوەرهەڵات پارێزگاگە، و هاووڵاتییگ وە تەقیان مین لە باشوور عراق زەخمدار بوی.
سەرچەوەگە ئەرا ئاژانس شەفەق نیوز وت: هیزیگ ئەمنی تەرم گەنجیگ ١٧ ساڵان لە خوەرهەڵات کەرکوک پەیا کرد، و شوین گولە لە لەشی بوی، و تەرمەگە ئەرا پزشک دادوەری کلکریا.
وتیش: لێکۆڵینەوە ئەرا رەسین وە بندروس تاوانەگە و ناسین تاوانکارەیل واز کریا.
هەرلیوا، سەرچەوەیگ لە پارێزگای بەسرە ئەرا ئاژانس شەفەق نیوز وت: مینیگ لە جیماگەیل جەنگی تەقیە بان هاووڵاتییگ لە ناوچەی مەملەحە لە قەزای فاو، و پای وە مینەگە بڕیا، و بریا خەسەخانە ئەرا چارەسەرکردن و قورتارکردنی.
دادگای نەهیشتن تاوان واست فەرمان زیندان هەتاهەتای لەبان ژنیگ دەرکرد، کوڕ هاووەیوەگەی لە تەمەن شەش ساڵان وە سەنیا خنکانیە و تەرمەگەی فڕە داسە ناو چەم موەفەقیە لە پارێزگای واست.