شەفەق نیوز ــ کەربەلا

فەرماندەیی پۆلیس پارێزگای کەربەلا، ئمڕوو چوارشەممە، دەسگیرکردن توومەتباریگ راگەیان کە بڕ 9 ملیۆن دینار و تەڵا لە ماڵ (هاوزاواگەی) شوی خوەشگ ژنەگەی دزیە، لەدویای ئەوەگ ئەرا خواردن نان ئیوارە مکیسی کەێد.

فەرماندەییەگە لە بەیاننامەیگ رەسیە ئاژانس شەفەق نیوز ئاشکرایکرد، مەفرەزەی دژە تاوانەیل سەرکەفتی بوین لە ماوەی 24 ساعەت لە سکالا توومارکردن، نوین تاوانبار دیاریبکەن و دەسگیری بکەن، وەرد گلەوداین پویل و دزیاگەیل وە تەواوی.

پۆلیس کەربەلا دووپاتکرد، تەقەلای بیهوچان ئەرا دەسگیرکردن تاوانبارەیل و پاراستن مولکە گشتیەیل و تایوەتەیل.