شەفەق نیوز/ راپۆرتەیل دەسەی کەشناسی عراق، ئمڕوو دووشەممە، ئاشکرا کردن کە پلەی گەرمی لە پارێزگایل عێلی ها ناوەین 42 و48 پلەی سەدی، و سوو سێشەممە کەمیگ بەرزەو بوود.
وەگورەی ئەو راپۆرتە کە رەسیە ئاژانس شەفەق نیوز، ئمڕوو دووشەممە روشن و گەرمە، و پلەی گەرمی مەزن لە ناوچەی باکوور کەفێدە ناوەین 42 و46، و لەناوڕاس ناوەین 46 و47، و لە باشوور ناوەین 47 و48 پلەی سەدی.
سوو سێشەممە، پلەی گەرمی کەمیگ بەرزەو بوود، کە لە میسان 49 پلەی سەدی، و لە دهۆک 42 پلەی سەدی، و لە بەغداد 47 پلەی سەدی.
تا رووژ جمعەی ئایندە پلەی گەرمی نزیکە لەی پلەیلە.