شەفەق نیوز/ سەرچەوەیگ ئەمنی لە قەزای شەنگال، ئمڕوو شەممە، ئاشکرای وەردەوامی ناڕەزایی وەماوەی دوو رووژە لەلایەن خەڵک قەزاگە کرد، ئەرا نەیشتن سیمایل چەکداری هەرچەن هانە ژیر ئەو وارانە.
سەرچەوەگە ئەرا ئاژانس شەفەق نیوز وت: هیمان ناڕەزایی وەردەوامە لەلایەن خەڵکەگە لەناو زیاتر لە یەک شوین لە قەزای شەنگال، ئەرا ئمڕوو و دویەکە جمعە، لەبان بڵاوبوین سیمایل چەکداری.
سەرچەوەگە وتیش: بڕیگ لە خەڵکەگە ری لە کۆمەڵگەی بۆرک لە قەزاگە بڕین، و ناو خوەیان وە جویلەی گەنجانەی سەوەخوەیی نان، وداوای گەرەنتی راسییگ کردن ئەرا نەیشتن سیمایل چەکداری لە گشت شەنگال و بوودە ناوچەیگ بی چەک.
قەزای شەنگال، وەرجە چەن رووژیگ کارەیلیگ سەربازی لەناوبەین سوپای عراق و ئەندامەیل یەپەشە وەخوەی دی، بویە هووکار کوشیان و زەخمداری لە هەردوگ لایەنەگە، و هیزەیل سەروە پەکەکە جیوەجیکردن بڕیار سوپای عراق نیەکەن وە چووڵکردن قەزاگە لە گشت هیزە چەکدارەیل، و ئەندامەیلیان لە خاڵەیلیگ ئەمنی لەناو مەدەنیەیل دانەن.