موتەلەبی لە چەوکەفتنیگ وەگەرد پەیامنێر ئاژانس "ئیرنا"ی ئیران وت؛ لەماوەی شەش مانگ یەکەم ئمساڵ، هەناردەکردن شتومەک وە رێژەی  36%  بەرزەوبویە لە روی کیش و  18% لە روی نرخ لە سنوور پەرویزخان  وە بەراورد هەمان وەخت لەساڵ پارەکە.

ئاشکەرایکرد "  شتومەکەیل سەرەکی هەناردەکریاگ لەی دەروازە ئەرا عراق بریتیە لە میوە و سەوزە و وەرهەمەیل شیرەمەنی کیک و بسکیت و بەرهەمیل کانزایی و پلاستیکی و مادەیل بیناکردن".

دیاریکرد " دەروازەگە توان گەپیگ دیرێد ئەرا هەناردەیل نانەفتی، تا ئیسە بشیگ گرنگ لە هەناردەیل وڵاتەگە ئەراعراق جیوەجیکریاگە لەری ئی سنوورە".

وتیش؛ " ئیران لە ساڵ گوزەشتە 6 ملیار و 493 ملیۆن دۆلار وە کیش 16 ملیۆن و 883 تەن  شتومەک هەناردەکرد ئەرا عراق لەری سنوور وشکایی، کە پشک پارێزگای کرمانشان لەی هەناردە  دوو ملیار و673 مليۆن دولار وە کیش 6 ملیۆن و772 هەزار تەن بوی دەروازەی پەرویزخان گەپترین پشک لەناوەین دەروازەیل پارێزگاگە دیرێد".