سەرچەوەگە وە ئاژانس شەفەق نیوز خەوەردا، "هيزەیل ئەمنی تەرم گەنجیگ لەبان خانگ ماڵەگەی شانیان پەیاکردنە لە ناوچەی جامعە لە قەزای کووفە ناوڕاس نەجەف"، وتیش "گەنجەگە نزیکەی یک هەفتەس دیاری نییە".

سەرچەوەگە وتیش، " تەرمەگە شیەوبویە وە مدوو گەرمی خوەر و بەرزەوبوین پلەی گەرمی"، دیاریکرد" تەرمەگە ئەرا پزیشک دادوەری کلکریاس ئەرا تەواوکردن ريکارەیل یاسایی و زانیین هووکار مردنەگەی".

لە زیقاریش، دەزگایەیل ئەمنی دوو تەقلای خوەیکوشتن توومارکردنە لە شار ناسڕیە ناوەند پارێزگاگە و لە باکووری.

سەرچەوەگە وە ئاژانس شەفەق نیوز خەوەردا، " یەکەم پسای خوەیکوشتن گەنجیگە تەمەن 18 ساڵان، ک تەقەلای خوەیکوشتن دایە وە وەخوارەو خستن خوەی  ئەرا ناو چەم فورات لەبان پێەڵ خێرا لەناوڕاس ناسڕیە"، هێزەیل ئەمنی توەنستنە قورتاری بکەن دەرچگە هووکارەگەی گیچەڵیگ خیزانی بویە".

سەرچەوەگە وتیش، "دویەم پسای خوەیکوشتن لە کویچەی ئیمام رەزا رویدایە لە قەزای نەسڕ باکوور پارێزگای زیقار،  ک دویەتیگ 17 ساڵان تەقەلای خوەیکوشتن دایە لەری سزانن خوەی وە مادەی نەفت چەرمگ، باوجی کەسوکاری توەنستنە قورتاریبکەن و ئەرا چارەسەر بوەنێ  خەسخانە، تا ئیسەش هووکار خوەیکوشتنی دیار نییە".