شەفەق نیوز/ سەرچەوەیگ لە پارێزگای دیوانیە، ئمڕوو جمعە، خەوەردا لە کوشیان رانندەیگ لە ئەنجام کەفتن ماشینەگەی وەناو چەمیگ باشوور پارێزگاگە، و کەسیگیش لە بەسرە وەشیوەی ئەڵاجەوییگ لە بەسرە لە خنکیان رزگاری بوی، و کابرایگ "پاكستاني" گیانی لەدەسدا.

 سەرچەوەگە ئەرا ئاژانس شەفەق نیوز وت: رانندەی تەکسیییگ دویای کەفتن ماشینەگەی وەناو چەمیگ لە قەزای دەغارە لە دیواینە گیانی لەدەسدا، دویای ئەوەگ ماشینەگە لەدەسی دەرچگ.

 وتیش: تیمەیل وەرگری شارستانی رەسینە شوین رویداوەگە و تەرمەگە دراوردن و ئەرا پزشک دادوەری بریا و لێکۆڵینەوە لە رویداوەگە واز کریا.

لە بەسرە، سەرچەوەگە وتیش؛ کابرایگ ماشینەگەی کەفتە ناو چەمیگ نزیک فەرماندەیی دەریاوانی لە پارێزگای بەسرە، وەلێ وە شیوەیگ ئەڵاجەوی لە خنکیان رزگاری بوی، و ماشینەگە لە چەم دراوردن، و خوەییش ئەرا خەسەخانە بریا.

لەلاییگ ترەک، سەرچەوەگە دیاری کرد کە لە ساعەت دە و نیم شەوەکی ئمڕوور کابرایگ پاکستانی وەناو (زاهر حسێن محمد) لەداڵگبوی ساڵ 1973 کار سەرپەرشتیکردن لە کۆمپانی نەفت (كوسان) لە شعێبە باشوور خوەرئاوای بەسرە، لەوەر خراوبوین تەندروسیی گیانی لەدەسدا.

دیاری کرد کە وەشکین ئەرا تەرمەگە کریاڕ و ئەرا خەسەخانەی زوبێر کلکریا ئەرا تەواوکردن ریکارەیل یاسایی.