شانەگە لە بەیاننامەیگ رەسیە ئاژانس شەفەق نیوز وت: وە ئۆپراسیۆنیگ جیاواز و تەقەلای هەواڵگری لە بەش فەرماندەیی ئۆپراسیۆن نەینەوا، و هاوکاری هیزیگ لە خود بەشەگە، کوڵەی توکمەیگ لە ناوچەی کوکچلی چەپ مووسڵ نریا، و یەکیگ لە تیرۆرستەیل دەسگیر کریا ک لایەنگر داعشە، وەگورەی مادەی ٤ تیرۆر داوا کریاگە، و کار لە رز مەفرەزەیل هاوەن لە ویلایەت جەزیرە لە ناحیەی زومار کردیە.
بەیاننامەگە وتیش: ئەو تیرۆرستە ئیجا لە دیوان جوند لەلای داعش کار کردگە، و دریا دەس لایەن داواکار.
لەلاییگتر، سەرچەوەیگ ئەمنی ئەرا ئاژانس شەفەق نیوز وت: تیمەیل وەرگری شارستانی تەقەلای کپەوکردن ئاگریگ لەناو دوو تانکەر بویچگ دەن، گاز ها ناویان، ئەوەیش لە گەڕەک بەساتین باکوور بەغداد.
سەرچەوەگە وتیش: تیمەیل وەرگری شارستانی هەمیش تەقەلای کپەوکردن ئاگریگ لەناو کۆمپانیای کۆنکریت دەن و رزگار خیزانیگ کردن ک لەناو ماڵیگ لە زیایچگەیل لە ناوڕاس بەغداد نیشننە.