سەرچەوەگە وە ئاژانس شەفەق نیوز وت، "هیزەیل ئەمنی ئەرکیگ لە ئاوای (ئال نیاز) لە باکوور  شار ناسریە لەناوەند پارێزگاگە ئەنجامدانە دژ وە بازرگانیگ مادەی هوشبەر ک وەپای مادەی 28 هوشبەر سزادریایە"، وتیش " داواکریاگ لەوەخت رەسین هیزەیل ئەمنی ئەرا لای ماڵی دەسکردیە وە تەقەکردن".

سەرچەوەگە وتیش،" هیزەیل ئەمنیش هەمان کاردانەوە داشتنە،  تەقەکردنەگە بوودە هووکار زەخمداری فەرماندەی هێزە ئەمنیەگە، تومەتبارەگە لەدویایش تەقە لە سەر خوەی کردیە، و هەردگیان ئەرا خەسخانە کلکریانە".

لەلایگتریش، دویەتیگ  16 ساڵان تەقەلای خوەیکوشتن دایە لەری هەڵواسین خوەی  لەناو ماڵ لە ناوچەی گەرەک شەهیدان لەناوڕاس شار ناسریە ناوەند پارێزگاگە، وەبی ئەوەگ هووکار خوەیکوشتنەگە بزانریەێد، تەرمەگەی ئەرا پزیشک دادوەری کلکریاس ئەرا تەواوکردن رێکارەیل یاسایی و لێکۆڵینەوە لە هووکار رویداوەگە وازکریەێد.