شەفەق نیوز/  جویلەیل گەشتیاری لە فرۆکەخانەی ناودەوڵەتی بەغدا، شەوەکی ئمڕوو دووشەممە، پەکیکەفت لەوەر ناجیگیری کەشوهەوا ک لە ئەنجام تەم خەسیگ دروس بویە.

ئیدارەی فرۆکەخانەگە وە ئاژانس شەفەق نیوز وت، وەشیوەی وەختانە وسانیایە تا خەسی تەمەگە کەمەوبوود.

وتیش، تیمیگ لە خاسەوکردن و پاکەوکردن هەلسیانە وە پاکەوکردن وەجیماگەیل تەقینەوەگەی چەرخ فرۆکەگە، ک وە شیوەی وەختانە جویلەیل گەشتیاری پەکخست.

لەماەی 24 ساعەت ئیە سێیەم پەککەفتنە لە فرۆکەخانەی بەغدا، هەمیش ئیدارەی فرۆکەخانەی نەجەف بڕیاردا وە شیوەی وەختانە لەوەر خەسی تەم پەک جویلەیل فرۆکەوای بخەێد.