شەفەق نیوز/ موستەفا کازمی سەرۆک وەزیرەیل عراق، ئمڕوو سێشەممە، رەسیە بەغدای پایتەخت، دویای ئەوە ک سەردانەگەی ئەرا وڵات میسر بڕێد، ک دویەگە ئەرای رەسێد.
سەرچەوەیگ وەرپرس ئەرا ئاژانس شەفەق نیوز وت: کازمی نیمەڕو رەسیە بەغداد، و دەسکردە گردەوبوین وەرد وەرپرسەیلیگ لە حکومەتەگەی ئەرا باسکردن لە رەوشەیل.
وەرجەیە، نویسینگەی کازمی لە بەیاننامیگ بڕین سەردانەگەی ئەرا وڵات میسر راگەیان، لەپشت گەشەیل دویایین لە وڵاتەگە، وئەرا چەودیریکردن راستەوخۆ ئەرا کار وئەرکەیل هیزە ئەمنیەیلە لە مقەیەتیکردن دامودەزگایل دادوەری ودەوڵەت.
کازمی لە بەیاننامەگەی هوشداری لەوە کرد ک پەکخستن کار دامودەزگایل دادوەری وڵاتەگە خەێدە وەر مەترسیەیلیگ راسی، و بانگەواز ئەرا گردەوبوینیگ کوتپڕ ئەرا سەرکردەیل هیزە سیاسیەیل کرد ئەرا گورجکردن گفتوگۆی نیشتمانی و کیشانب فتیلەی قەیرانەگە.