شەفەق نیوز/ لە یەکیگ لە پارێزگایەیل نەجەف، ئمڕوو چوارشەممە، دوو وەنەوار تویش رویداو تلانن هاتن، کە دویەم رویداو لەی جویرەس لە دویای "کارەساتەگەی بەسڕە".
سەرچەوەیگ ئەمنی وە ئاژانس شەفەق نیوز وت، "راندەی ماشینیگ دوو خوەنەوار مەکتەو ئەزهەر تلانییە مەوقەی دەرچگنیان لە دەوام جویر ئامار سەرەتایی رویداوەگە".
سەرچەوەگە وتیش، "مەکتەوەگە کەفێدە ری (ئەلبوو حداری) گشتی نزیک پەیمانگای تەکنیکی کوفە لەناوڕاس شار نەجەف ناوەن پارێزگاکە".
سەرچەوەگە وتیش "زەخمدارەیلە ئەرا نزیکترین بنکەی تەندروسی کلکریانە تا چارەسەر وەربگرن، رانادەگە دەسگیرکریاس ئەرا لێکۆڵینەوەکردن وەردی وەلایەن هێزەیل ئەمنی".
رویداوەگە لەدویای چەن ساعەتیگ لە رویداوەگەی شار هارسە لە پارێزگای بەسڕە رویدا، کە بویە هووکار گیان لەدەسدان 6 خوەنەوار و زەخمداری 10 کەس. وو