ئبتسام محەمەد قەیسی وەڕیەوبەر خەسخانەگە وە ئاژانس شەفەق نیوز وت، " لەماوەی هەفت مانگ ئمساڵ 11 تویشهاتن لە پارێزگای دیالە توومارکریاگە، و رێژەگە رخبەر نییە و هالەژیر کۆنترۆل وە بەراورد وە پارێزگایەیل باشوور"، دیاریکرد" رێکارەیل سەرکەفتی بویە ری خوەشکەر بویە لە داوەزین و دویرەوکەفتن تویشهاتن لە پارێزگاگە سەرەرای سروستە کشاوەرزیەگەی و ناوبانگ دیرێد وە ئیوەتکردن ئاژەڵ لە گشت یەکە ئیداریەگانی.
وتیش، " رێکارەیل سەرکەفتی و کاریگەر بوینە و هویچ مەترسییگ لە بڵاوبوین بیماری تەو خوینوەربوین نییە لەوەر رووشنایی هەمکاری نموونەیی دامودەزگایەیل و فەرمانگەیل دیاریکریاگ و ئیوەتکەرەیل ئاژەڵ وە تایبەتی".
دیاریکرد، لەماوەی ئمساڵ 11 تویشهاتن وە تەو خوینوەربوین لە دیالە توومارکریاگە لەناویش حالەتیگ مردن کەسیگ سەرباز بوی وە بیماریەگە لە دەیشت پارێزگاگە تویشهاتوێد و لە پارێزگاگە مرد.
"تەو خوین وەربوین" بیماری ڤایرۆسیەگە ک رێژەی مردن وەپی رەسێدە ٤٠٪ وەپای رێکخریاگ تەندروسی جەهانی، و لە ئاژەلەو ئەرا ئایەم چوود".