شەفەق نیوز/ سەرچەوەیگ ئەمنی، ئمڕوو دووشەممە، خەوەردا لە کوشیان کەسیگ و زەخمداری یەکیگ ترەک لە مەرافیگ کە رەسیە ئەرا وەکارهاوردن چەک لە باشوور خوەرهەڵات بەغدای پایتەخت.
سەرچەوەگە وە ئاژانس شەفەق نیوز وت؛ کەسیگ کوشیا و یەکیگیش زەخمداربوی لە ئەنجام مەرافیگ لەناوەین چەن کەسیگ، کە هووکاری نەزانریاس، رەسیە ئەرا وەکارهاوردن چەک سوک (دەوانچە) لەناوچەی تەئمیم سەر وە پیەڵ دیالەی کوەن لە باشوور خوەرهەڵات بەغداد.
وتیش، هێزە ئەمنیەیل رەسینەس شوین رویداوەگە، تەرمەگە هەڵگردنە، زەخمدارەگە ئەرا خەستەخانە ناردن، دیاریکرد لێکۆڵینەوە لە رویداوەگە وازکریا.