شەفەق نیوز/ پۊیل ناودەوڵەتی پیشبینی کەێد، عراق لە ساڵ 2021 فرەترین گەشەی ئابووری لە مابەێن وڵاتەێل کەنداو عەرەبی وە دەستێرد.    

سندوقەگە لە خشتەیگ ک ئاژانس شەفەق نیوز ئسفای کردیە  ئۊیشد؛ پیشبینی کرێد عراق گەشەی ئابووری ئەرا ساڵ 2021 وە دەس بارێد بەرزتر لە ئەو وڵاتەێل عەرەبی کەنداو دەوڵەمەن وە نەفت وە 3.6٪.       

وتیش: "گەشەی ئابووری وڵاتەێل کەنداو عەرەبی وەگەرد وڵاتەێل هاوسای عراق جیاواز بوود" وتیش؛ چەوەری کرێد سعودیە گەشەی ئابووری وە رێژەی 2.8 ٪بوود، عومان گەشەشەی ئابوری 2.5٪و قەتەر گەشەی ئابووری 1.9٪ و کوەێت 0.9٪ گەشەی ئابووری وە خوەی دۊیند، و ئیمارات گەشەی ئابووری 2.2٪ وە خوەی دۊیند.    

و باسکرد، " چەوەڕی کرێد ئوردن گەشەی ئابووری برەسێدە 2٪ و ئیران گەشەی ئابووری برەسێدە 2.5٪ ،و چەوەڕی کرێد گەشەی ئابووری تورکیا برەسێدە 9٪، لە یەمەن داوەزین لە گەشەی ئابوری دۊینێد لە ساڵ 2021 وە 2-٪".    

دیاری کرد "  میسر گەشەی ئابووری ئەرا ساڵ 2021 برەسێدە 3.3٪ ، وڵات مەغریب عەرەبی گەشەی ئابووری بەرزەو بوود و چەوەری کرێد تونس برەسێدە 3٪، گەشە ئابووریەگەی، و جەزائر 3.4٪ ،مەغریب گەشەی ئابووری برەسێدە 5.7٪.