شەفەق نیوز ـ بەغدا

کەشناس واسق ئەلسەلامی، ئمڕوو پەنجشەممە، مەزەنەس داوەزیان پلەی گەرمی وە شێوەیگ وەرچەو کرد لە سەرەتای هەفتەی بانان لە ناوچە و شارەیل عراق ، وەگەرد ئەگەر واران وارین.

سەلامی لە بڵاوکراوەیگ خوەی لەبان تووڕە کۆمەڵایەتییەیل، مەزەنەی ئاڵشتکاریگ   دینامیکی لە بارودۆخ هەوا ئەرا هەفتەی ئایندە کرد و وت: حەوزیگ بانەوەی سەرد داوەزێد کە وڵاتەیل شام و تورکیا گرێدەو و واران وە تونی جیاواز وارێد، وە شێوەیگ پاییزی کە ئەرا  ئێ وەخت  ئاسایی نییە.

سەبارەت وە عراق،  مەزەنەی داوەزیان پلەی گەرمی لە رووژ شەممەوە لە باکوور و خوەرئاوا و لە رووژ دووشەممەو لە ناوچەیلتر کرد؛  لە باکوور و خوەرئاوا پلەی گەرما ئەرا ژیر 40 پلەی سەدی داوەزێد، لە ناوەڕاس و فورات ناوەڕاس رەسێدە سەرەتای 40 گان، و لە باشوور رەسێدە ناوەڕاست 40 گان و هاتێ کەمتر لەوەش بوود.

دیاریکرد، دەرفەت هەس لە رووژ شەممە واران بوود لە ناوچەیل باکوور جویر چەڕێکردنیگ سەرەتایی هاتێ   فراوانتر بوود و ئاڵشتبوود، هەمیش ئەور لە ناوچە جیاوازەیل لە ماوەی دوو رووژ پێنجشەممە و جومعە دەرکەفێد.