شەفەق نیوز - واست
پارێزەر حازم مازن بەدری، ئمڕوو چوارشەممە، خەوەرداینیگ فەرمی پیشکەش وە سەرۆک داواکاری گشتی لە پارێزگای واست کرد، کە داوا لەناوی کەێد وە جۊڵانن داوایگ دادوەری و بانگکردن ئەمیندار گشتی ئەرا ریخریاگ "بەدر" و سەرکردە لە چوارچیوەی هەماهەنگی، هادی عامری، لەبان بنەمای لێدوانەیل بڵاوکریاییگ کە لەناوی قسە لەباوەت رۊیداوەیل خوەینشاندانەیل تشرین 2019 کەێد.
بەدری وەپای بەڵگەنامەی خەوەرداینەگە کە پیشکەش وە داواکاری گشتی لە واست کریاگە، وت کە خەوەرداینەگە پشت وە بڕگەیگ ڤیدیۆیی بڵاوکریاگ بەسایە کە عامری وە ئاشکرا لەناوی دەرکەفێد لە وەختیگ قسە کەێد کە "وەرگری ئەو لایەنە بۊ کە وە ئازایەتییەو وەرانوەر ئاژاوەی تشرین وسیا و دەوڵەت و سیستم سیاسی پاراست".
هەمیش وت کە لێدوانەگەی عامری پرسیارەیل جدییگ دروس کەێد کە هەوەجە وە لێکۆڵینەوەی دادوەری درێد ئەرا زانین سروشت ئەو ئەرک و کارەیلە کە ئەو لایەنەیلە وەناو "وەرگری" کردیانەسەی، و ئایا پەیوەندی وە دەسدریژیکردنە بان خوەینشاندەرەیل یا سەرکوتکردنیان یا بۊن وە مدوو کەفتن قوربانییەیل و زەخمدارەیل مەوقەی خوەینشاندانەیل داشتگە یا نە.
خەوەرداینەگە داوا لە دادگا کرد وە واکردن لێکۆڵینەوەیگ بنەڕەتی و چەسپانن تومارە ڤیدیۆییە رەسەنەگە، بیجگە لە داواکردن عامری ئەرا گووشداین لە قسەیلی و وەراوردکردنی وەگەرد لێکۆڵینەوەیل وەرین و دۆسیەی قوربانییەیل و زەخمدارەیل، و دیاریکردن ئەو لایەنەیلە کە فەرمانەیل دەرکردنە یا وە شیوەیگ مەیدانی بەشداری لەو رۊیداوەیلە کردنە ئەرا جیوەجیکردن رێکارە یاساییەیل وەرانوە ئەو کەسەیلە کە وەرپرسیاریەتییان چەسپێد.
عراق لە تشرین یەکەم/ ئۆکتۆبەر 2019 دەسکردن وە خوەینشاندانەیل جیاجیایگ لە چەن ناوچەیگ لە بەغداد و پارێزگایەیل باشوور وەخوەی دی، کە لە سەرەتای خوەی لە خوەرەڵات پایتەختەگە خەسەو بۊ و ئەرا چەن رووژیگ وەردەوام بۊ وەرجە ئەوەگ وە شیوەیگ وەختانە بوەسێد هاوەخت وەگەرد زیارەت چلە.
دەسوەجێ دۊای کووتاییهاتن چلە لە 25 تشرین یەکەم/ ئۆکتۆبەر 2019، ناڕەزایەتییەیل وە هیزەو دەس وەپی کردنەو کە لە گۆڕەپان تەحریر لە ناوڕاس بەغداد و گۆڕەپانەیل پارێزگایەیل ناوڕاس و باشوور بڵاو بۊن، و مانگردنەیل و پەکخستن دەوام لە دامەزراوەیل و زانکۆیەیل وەردی بۊ.
خوەینشاندانەیل تویش سەختی و پەلامار هاتن کە بۊنە مدوو کەفتن سەدان کوشیاگ و هەزاران زەخمدار لەناوەین ناڕەزایەیل و هیزەیل ئەمنی، لە ناوڕاس گرنگیداین و شەرمەزارکردن فراوانیگ لەلایەن ریخریاگەیل ناودەوڵەتی و ناوەندە دیپلۆماسییەیلەو.