شەفەق نیوز/ سەرچەوەیگ ئەمنی لە بەغدا، ئمڕوو دوشەممە، خەوەردا لە خوەیکوشتن پیاویگ وە هەڵواسین خوەی لەناو ماڵەگەی، و زەخمدار کەسیگتر وە گولەی ویڵ، و ماڵیگ وە بۆمبیگ دەنگی وە هوکار گرفت هوزانە کریا ئامانج. 

سەرچەوەگە وە ئاژانس شەفەق نیوز وت، " پیاویگ لە داڵگبۊ 1971 خوەی لەناو ماڵەگەی کوشتیە لە ناوچەی دەسیم باکور   بەغدا وە هوکار نادیاریگ"، دیاریکرد، "پیاوەگە گرفت دەرۊنی داشتیە".

وتیش، " هێزەیل ئەمنی رەسینە شۊن رۊداوەگە تەرمەگە ئەرا فەرمانگەی پزیشک دادوەری کلکردنە، لێکۆڵینەوە وازکردنە ئەرا زانیین هوکار خوەیکوشتنەگەی". 

لە لایگتر، زەخمداری پیاویگ وە گولەی ویڵ لە سنوور کەرت 48 شار سەدر، وتیش، زەخمدارەگە ئەرا یەکیگ لە خەسخانەیل بریاگە ئەرا وەرگردن چارەسەر. 

سەرچەوەگە باسکرد، " کەسەیلیگ وە بۆمبیگ دەنگی پەلامار ماڵ مەدەنیگ دانە لە ناوچەی جەمیلە خوەرهەڵات بەغدا، لەوەر گرفت هوزانە.  ئاشکەرا کرد،" زەرەد گیانی لە دۊای تەقینەوەگە  نەویە تەنیا زەرەد مادی رەسیە وە روی ماڵگە".