سەرچەوەگە وە ئاژانس شەفەق نیوز خەوەردا، "مەرافەیگ هووزانە دروسبوی لە ئاوای (سەراجق)  سەر وە ناحیەی سەلام باکور خوەرهەڵات بەعقوبە، بویە هووکار زەخمداری سێ کەس لەناویانیش ئەفسەریگە وە پلەی موقەدەم".

سەرچەوەگە دووپاتکرد "هێزەیل ئەمنی رەسینەس ئەرا کپەوکردن مەرافەگە و زەخمدارەیلەش ئەرا چارەسەرکردن کلکریانەس خەسخانە، لێکۆڵینەوە ئەرا رویداوەگە وازکریاس".

سەرچەوەیگ ناوخوەییش وە ئاژانس شەفەق نیوز وت، "خانمە وەڕێوەبەریگ مەکتەو (العهد) لە کویچەی سواق لە پارێزگای نەجەف  زەخمدار بویە لە ئەنجام رمیان قەواسەی یەکیگ  لەهۆڵەیل خوەنین، هەنای کە ئەو لەورا ئامادەبویە".

وتیش "تیمیگ لە فریاکەفتن پزیشکی لە شوین رویداوەگە ئامادەبوینە و وەڕێوەبەرەگە ئەرا نزیکترین خەسخانە بردنە".

لەلایگیش، سەرچەوەیگ ئەمنی وە ئاژانس شەفەق نیوز خەوەردا، "هێزیگ لە دەزگای دژە مادەیل هووشبەر لە کەربەلا توەنستنە وە ئۆپراسیۆنیگ جویری پەنج بازرگان مەترسیدار مادەی هووشبەر دەسگیربکەن کە 3کگم لە مادەی هووشبەر کریستال وەپی بویە".

ئاشکەرایکرد " دەسگیرکریاگەیل لە پارێزگای میسان هاتبوین، تا کاڵاگەیان لە کەربەلا بفرووشن".