شه‌فه‌ق نيوز/ كۆمسيۆن باڵاى مافه‌يل ئاده‌ميزاد ئدانه‌ى ئه‌و ته‌قينه‌وه كرد ك خوه‌ينيشانده‌ره‌يل ئاشتيخواز له مه‌يدان ته‌حرير له ناوڕاس به‌غداى پايته‌خت گرته ئامانج و بويه هووكار كوشيان كه‌سيگ و زه‌خمداربوين 19 خوه‌ينيشانده‌ر.
كۆمسيۆن له به‌ياننامه‌يگ ئه‌را شه‌فه‌ق نيوز وت: ئى كرده‌وه هاوشيوه‌ى هه‌ڕه‌شه‌ى مه‌ترسيداريگه ئه‌را بان سه‌ڵامه‌تى خوه‌ينيشانده‌ره‌يل و وه‌خراو ئه‌شكيه‌ێده‌و له‌بان ئاشتيانه‌ى خوه‌ينيشانده‌ره‌يل و داواكاريه مه‌ردميه‌گه ئه‌را مافه‌يل ره‌وايان.
به‌ياننامه‌گه هه‌ميش وت: كۆمسيۆن باڵاى مافه‌يل ئادميزاد هه‌ر له يه‌كه‌م رووژ ده‌سوه‌پيكردن خوه‌ينيشانداينه‌يل له‌ڕێ به‌ياننامه‌و لێدوانه‌يل و ديداره‌يل فه‌رميى وه‌ل سه‌ركرده‌يل ئه‌منى وشدارى داگه له‌باره‌ى كه‌فتنه‌وه‌ى ئيچنه رويداگه‌يليگ و داواى دابينكردن پاسه‌وانى ئه‌را خوه‌ينيشانده‌ره‌يل و مه‌يدانه‌يل خوه‌ينيشانداين كردگه‌و چه‌ن چاره‌سه‌ريگ له‌ى باوه‌ه‌و پيشنيار كردگه، له‌وانه‌يش داناين خاڵه‌يل وشكانن هاوبه‌ش له‌ناونى هيزه‌يل ئه‌منى و خوه‌ينيشانده‌ره‌يل.