شه‌فه‌ق نيوز/ كوه‌يت ئاشكراى وه‌رگرتنه‌وه‌ى 200 هه‌زار كتاو كرد و وت: ئى كتاوه‌يله له‌وه‌خت داگيركارى عراقى له‌ساڵ 1990 دزريانه.
وه‌گووره‌ى ئاژانس هه‌واڵه‌يل كوه‌يتى، وه‌زاره‌ت خارجيه نزيگه‌ى 200 هه‌زار كتاو له هاوتا عراقيه‌گه‌ى وه‌رگرته‌سه‌و ك ئه‌چێده‌و ئه‌را مه‌له‌كيه‌ى كتاوخانه‌ى نيشتمانى و زانكۆى كوه‌يت ك له‌وه‌خت داگيركارى عراقى دزريانه.
له‌و باوه‌تيشه‌و، عه‌بدولعه‌زيز جاره‌ڵڵا ده‌سميه‌تده‌ر وه‌زير خارجيه، وت: كوه‌يت هيمان ئاگادارى ئه‌ياده لايه‌ن عراقى ئه‌را راده‌سكردنه‌وه‌ى گشت ئه‌رشيفه‌يل نيشتمانى و موڵكه‌يل كوه‌يتى ك له‌ماوه‌ى داگيركارى عراقى دزريانه.