شەفەق نیوز/ دوو سەرچەوەی ئەمنی، خەوەردان لە کوشیان گەنجیگ خەڵک پارێزگای دیالە، لە ئەنجام مرافەیگ لە بەغداد پایتەخت، و هیزەیل ئەمنی تەرم گەنجیگ کوشیاگ لە باشوور سەڵاحەدین پەیا کرن.
یەکیگ لە سەرچەوەیل ئەرا ئاژانس شەفەق نیوز وت: گەنجیگ خەڵک قەزای خاڵس- پارێزگای دیالە، لە ئەنجام مرافەیگ وەگەرد کەسیگتر لە ناوچەی کازمیە لە بەغداد پایتەخت وە چەقوو کوشیا.
سەرچەوەگە وتیش: پولیس تاوانکارەگە دەسگیر کرد و لێکۆڵینەوە ئەرا رەسین وە بندروس رویداوەگە واز کرد، و تەرم قوربانیەگە ئەرا پزشک دادوەری کل کرد.
لە سەڵاحەدین، سەرچەوەیگتر وت: هیزەیل ئەمنی و خەڵکەگە تەرم گەنجیگ پەیا کردن وە گولە لەسەر و ملی دریاگە، ئەوەیش لە یەکیگ لە باخەیل ئازای بەنی سەعد لە قەزای بەلەک باشوور پارێزگای سەڵاحەدین.
سەرچەوەگە وتیش: هوکارەیل رویداوەگە نادیارە و کەسەیلیگ نزیک ئویشن رویداوەگە تاوانیە و هویچ هاندەریگ تاوانی نەیرێد.