شەفەق نیوز/ پولیس ناوخوەیی، ئمڕوو شەممە، خەوەردا لە کوشیان ژنیگ وەگولە لە خوەرھەڵات بەغداد پایتەخت.
سەرچەوەیگ لە پولیس ئەرا ئاژانس شەفەق نیوز وت: ژنیگ لەداڵگبوی ساڵ ٢٠٠٥، لەناو ژوور خەفتنی لەناو ماڵەگەی لە ناوچەی جسر دیالە خوەرهەڵات بەغداد وە گولەی دەوانچە دریاسە سەری و کوشیاگە، و گولەگە دریاگە لای چەپی و لەلای راسی لە شان چەوی دەرچگە.
سەرچەوەگە وتیش: کەسەیل ناو ماڵەگەی و شویەگەی دەسگیر کریانە ئەرا لێکۆڵینەوە، و ئەرا رەسین وە بندروس رویداوەگە.
وەگورەی زانیاریەیل، قوربانیەگە لەناو خەو بویە و کوشیاگە، و شویەگەی وتیە گوایە خوەی کوشتیە.