شه‌فه‌ق نيوز/ وه‌رپرسيگ نزيك له عادل عه‌بدولمه‌هدى سه‌رۆك حكومه‌ت عراقى، ئاشكراى ئه‌وه كرد فشاره‌يليگ سياسى ئه‌نجام ئه‌دريه‌ێد له‌بان ليژنه‌ى راسپارياێ ئه‌را لێكۆڵينه‌وه له رويداگه‌يل كوشتن خوه‌ينيشانده‌ره‌يل ئى دوياخره له وڵاته‌گه.
وه‌گووره‌ى ئه‌و وه‌رپرسه‌يله ك نزيكن له نويسينگه‌ى عه‌بدولمه‌هدى، ئه‌و فشاره‌يل سياسيه ك ئه‌نجم ئه‌دريه‌ێد له‌بان حكومه‌ت، له‌وه‌ر خاتر ئه‌نجامداين راسه‌وكردن راپۆرته‌يل ليژنه‌گه‌س ك ئه‌را ئى كاره سپارياگه.
يه‌كيگ له‌و كه‌سه‌يل نزيكيشه ئه‌را ئه‌لعه‌ره‌بى ئه‌لجديد وت: زوورم ئه‌و كه‌سه‌يله ك ئه‌كه‌فنه وه‌ر فه‌رمان گرتن و ده‌سگيركردن له ئه‌فسه‌ر و سه‌ركرده‌يل گه‌ورا په‌يوه‌ندى وه حزب و لايه‌نه‌يل سياسى ديرن و نفوز له حكومه‌ت ديرن و باس له‌وه‌يش كرد حاڵ حازر راپۆرته‌گه ها زمه‌ت حكومه‌ت و هه‌ر راسه‌وكردنيگ له‌لى ليژنه‌يل له‌لێ ناوه‌رپرسن و ئاماژه وه‌يه‌يش كرد فشاره‌يل فريه‌يگ ئه‌ياده تويش حكومه‌ت له‌و لايه‌نه‌يله‌و ئه‌را وه‌رگريكردن له‌و ئه‌فسه‌ر و كه‌سه‌يله ك ئه‌كه‌فنه وه‌ر په‌يجوورى و لێپرسينه‌وه.