شه‌فه‌ق نيوز/ سه‌رچه‌وه‌يگ ئاگادار له‌ ده‌سه‌ى حه‌شد شه‌عبى، باس له‌ شيوازه‌يل سه‌ردانه‌گه‌ى مسته‌فا كازمى سه‌رۆك وه‌زيره‌يل كرد ئه‌را ده‌سه‌ى حه‌شد شه‌عبى.

ئه‌و سه‌رچه‌وه‌ ئه‌را ئاژانس شه‌فه‌ق نيوز وت: هووكار سه‌ردانه‌گه‌ى كازمى ئه‌را يه‌كه‌وخستن ده‌سه‌ى حه‌شد و چاره‌سه‌ركردن ناكووكى و كيشمه‌كيشه‌يل ناو ده‌سه‌گه‌ بويه‌، وه‌تايبه‌ت له‌ناونى ئه‌و فه‌سيله‌يله‌ ك له‌ مه‌رجه‌عيه‌ت نه‌جه‌ف و سيستانى پشتگيرى ئه‌كريه‌ن و فه‌سيله‌يل چه‌كدار سه‌ر وه‌ ئيران.

سه‌رچه‌وه‌گه‌ هه‌ميش وت: سه‌رۆك وه‌زيره‌يل شكه‌ست هاوردگه‌ له‌و ئه‌ركيه‌ وه‌بوونه‌ى تونى ناكووكيه‌يل ناونى هه‌ردوگلاو كيشمه‌كيش له‌بان پۆست و پايه‌يل گرنگ له‌ ده‌سه‌ى حه‌شد شه‌عبى ك فه‌سيله‌يل چه‌كدار سه‌ر وه‌ ئيران له‌بانى زاڵن.