شەفەق نیوز/ تیمەیل وەرگری شارستانی توەنستن ئاگر گەورەیگ لەناو کۆمەڵگەیگ بازرگانی لەناوڕاس بەغداد کپەو بکەن.
پەیامنێر ئاژانس شەفەق نيوز وت: ئاگر گەورەیگ لەناو کۆمەڵگەیگ بازرگانی لەناوچەی کەڕادە ناوڕاس بەغداد هیز گرد.
وەرگری شارستانی لە بەیاننامیگ رەسیە ئاژانس شەفەق نیوز وت: ئەو کۆمەڵگەی بازرگانیە وە ساندویچ پەنەڵ دروس کریاگە، وئەوەیش پێشێلکردن رینمایل وەرگری شارستانیە، چوینکە وەزوی ئاگر سینێد، و کریاسە دوکانەیلیگ ئەرا فرووشتن ناوماڵە وکەوش ئەوروپایی لەناوچەی کەڕادە سەبع قسوور لەناوڕاس بەغداد.
بەیاننامەگە وتیش: تیمەیل وەرگری شارستانی ٢٥ تیم ئۆ ئاگرکپکردن کل کردن وەگەرد تیم مینەکردن و رزگارکردن تا بچنە ناو بیناگە، وناچار بوی ئامێر هاێدرۆلیکی وەکار بارێد تا بڕەسێدە ناوڕاس ئاگرەگە، و کپیەو بکەێد وەبی تووماکردن زەخمداری وەگەرد کەمەوکردن زەرەدەیل دارایی.