كەفتن زەخمداری وە تەقینەوەیگ لە شار عمارە

شەفەق نیوز/ سەرچەوەیگ لە پولیس ناوخوەیی، شەفەق ئمڕوو شەممە، خەوەردا لە تەقیان بومبیگ دانریاگ لەبان ماڵیگ ناوڕاس شار عمارە ناوەند پارێزگای میسان باشوور عراق.

سەرچەوەگە ئەرا ئاژانس شەفەق نیوز وت: کەسەیلیگ نەناسیاگ بومبیگ لەبان ماڵیگ لە ناوچەی حەسەن عەسکەری لە شار عمارە تەقاننەو.

سەرچەوەگە دیاری کرد کە تەقینەوەگە بویە هوکار زەخمداری سێ کەس مناڵیگ هاناویان کە زخمەگەی سەختە.