غه‌زوان داوودى ئه‌ندام ئه‌نجومه‌ن پاريزگاى ناوبرياگ له لێدوانيگ ك(شه‌فه‌ق نيوز)ئاگادارى بوى، وت: هه‌ناى حه‌يده‌ر عبادى سه‌رۆك وه‌زيره‌يل چيه ئه‌مريكا لێدوانيگ بوى و باس له‌وه كريا ك دوياى مانگ ره‌مه‌زان موسڵ ئازاد ئه‌كريه‌يد، وه‌لى باوه‌ت رومادى هاته بانى و مه‌سه‌له‌ى موسڵ پشتگووش خريا و ئيسه‌يش جاريگتر فه‌رمانده‌ى باڵاى سوپاى عيراق ئاماژه وه ئه‌وه كرد ك پرووسه‌ى ئازادكردن موسڵ وه قوناغه‌و قوناغ يه‌كه‌ميش ده‌س كرياسه بوردمان بنگه‌و باره‌گاى داعش.
داوودى ئاماژه وه‌يه‌يش كرد ك چه‌ن رووژيگه مه‌عنه‌ويات داعش له‌ناو موسڵ داوه‌زيه‌و ته‌ياره‌ى فريه‌يگ هاوپه‌يمانه‌يل له ته‌لعه‌فه‌ر و موسڵ و شه‌نگاڵ و ده‌يشت نه‌ينه‌وا ده‌س كردنه‌سه كوشتن وه‌جه‌م داعش و سوپاى عراقيش دو تيم داناگه ئه‌را ئازادكردن موسڵ و هه‌ردوگ تيمه‌گه‌يش چه‌ك ئه‌رايان هاتگه.
ج . أ