شەفەق نیوز - بەسڕە

هەردوگ خام بەسڕەی قورس و ناوڕاس سەنین و فروشتنەیل هەفتەگە وە زەرەد گەورەیگ کۆتایی وەپی هاورد، وەگەرد ئەوەگ نرخەیلیان لە دانیشتن کۆتایی بەرزەوبوی، لەناو داوەزیان نرخەیل نەفت لە بازارەیل جیهانی.

خام بەسڕەی قورس لە کۆتا دانیشتن سەنین و فروشتنەیل وە بڕ 2.59 دۆلار ئەرا بەرمیلیگ بەرزەوبوی، وە بڕ 4.88%، تا وە 55.66 دۆلار ئەرا بەرمیلیگ رەسی، باوەجی زەرەد هەفتانە توومار کرد کە رەسییە 18.46 دۆلار، وە بڕ 24.91%، وە بەراورد وە نرخەگەی لە سەرەتای هەفتەگە کە 74.12 دۆلار بوی.

 خام بەسڕەی ناوڕاسیش وە بڕ 2.59 دۆلار ئەرا بەرمیلیگ بەرزەوبوی، وە بڕ 4.54%، تا  59.66 دۆلار ئەرا بەرمیلیگ رەسی، باوەجی زەرەد هەفتانە توومار کرد کە رەسییە 18.44 دۆلار، وە بڕ 23.61%، وە بەراورد وە نرخەی لە سەرەتای هەفتەگە کە 78.10 دۆلار بوی.

لە لای بازارەیل جیهانی، گرێبەستەیل ئایندەی نەفت خاو خوەرئاوای تەکساس ناوڕاس ئەمریکا داوەزی ئەرا 90.36 دۆلار ئەرا بەرمیلیگ، وە داوەزیانێگ کە رەسییە 0.16 دۆلار، یان وە بڕ 0.18%.

گرێبەستەیل ئایندەی نەفت خاو برێنت داوەزی ئەرا 97.48 دۆلار ئەرا بەرمیلیگ، وە داوەزیانیگ کە رەسییە 0.81 دۆلار، وە بڕ 0.82%.