سەرچەوەگە وە ئاژانس شەفەق نیوز وت، گەنجیگ 30 ساڵان خوەیکوشتیە لە ری تەقەکردن لە خوەی لەناو ماڵیان لە ئاوای (جەدیدەت ئەغوات) لە خوەرئاوای قەزای خاڵس باکوور خوەرهەڵات بەعقوبە لەوەر گیچەڵ دارایی، ئاشکەرایکرد دەسڵاتدارەیل ئەمنی لێکۆڵینەوە لە رویداوەگە وازکردنە و تەرم قوربانیەگەش ئەرا پزیشک دادوەری بریا.

لە رویداویگتر  وەپای هەمان سەرچەوە، خوەنەواریگ لە کۆلێژ پزیشکی وە مدوو قورسی راهێنانەیل گیان لەدەسداس لە زانکۆی بەغدا.

سەرچەوەگە وتیش، خوەنەواریگ دانشتگ بەلەدروز لە پارێزگای دیالە، گیان لەدەسداس لە ئەنجام وسیان گورچگی مەوقەی راهێنانەیل لە خول 113 کۆلێژ سەربازی عراقی، دیاریکرد دەسڵاتدارەیل تایوەت لێکۆڵینەوە لە رویداوەگە وازکردنە.

ئیە وە دویەم رویداو دانریەد لە ماوەی مانگیگ لەدویای مردن خوەنەواریگتر دانشتگ دیالە وە هەمان هووکار.