شەفەق نیوز/ سەرچەوەیگ ئەمنی، ئمڕوو چوارشەممە، خەوەردا لە خوەیکوشتن داڵگ و دویەتیگ کە تەقەلای خوەیکوشتن وە کۆمەڵ دانە، و وەلایەن پۆلیس قورتارکریانە، لە قەزای منازە لە باشوور پارێزگای نەجەف.
سەرچەوەگە وە ئاژانس شەفەق نیوز خەوەردا، "داڵگ و دویەتیگ تەقەلای خوەیکوشتن وە کۆمەڵ دانە لەری وەخوار خستن خوەیان لەبان پێەڵیگ هاتوچوی لە قەزای منازرە لەبان چەم سەرەکیگ لە قەزاگە".
سەرچەوەگە ئاشکەرایکرد، "پۆلیس دەریاوانی قازاگە توەنستنە داڵگ و دویەتەگە قورتاربکەن و ئەرا چارەسەرکردن پێویست کلکریانەس خەسخانە، تا ئیسە هووکار خوەکوشتنەگە نەزانریایە".