شەفەق نیوز/ سەرچەوەیگ ئەمنی لە سەڵاحەدین، ئمڕوو چوارشەممە، خەوەردا ئامار مردن و زەخمداریەیل پەلامارەگەی داعش وەبان خاڵیگ سەر وە پۆلیس فیدراڵی لە بەش متێبیجە بەرزەوبوی ئەرا 13 کەس. 

سەرچەوەگە وە ئاژانس شەفەق نیوز خەوەردا، خاڵیگ سەر وە تیم پەنجەم لیوای 17 فەوج چوارەم لە ئاوای مالحیە سەر وە ناوچەی متێبیجە لە نوان دیالە و سەڵاحەدین پەلامار دریا، و لە ئەنجام شەش قوربانی و 7 زەخمدار توومار کریا. 

سەرچەوەگە وتیش، ئامار زەخمدار بوین سەخت ئەندامەیل پۆلیس  بەرزەوبویە وە پەلامارداینەگەی ئەندامەیل تیرۆرستی داعش وە چەک قەناس و چەک ناوەندی ک یەش تونترینی بویە لەماوەی چەن مانگ گوزەشتە.