شەفەق نیوز/ سەرچەوەیگ پزشکی لە دیالە،  ئمڕوو یەکشەممە،  خەوەردا لە بەرزەوبۊن ئامار پەلامارە دووانیەگە لە ناحیەی عەباره، ئەرا ٩ قوربانی و زەخمدار و ئەفسەریگ هاناویان. 

سەرچەوەگە ئەرا ئاژانس شەفەق نیوز وت: ئامار پەلامارە دووانیەگە وە بومبیگ دانریاگ و چەک قەناس لە ناوچەی حەد ئەخزەر لە دەورگرد ناحیەی عەبارە رەسیە ٥ قوربانی و ٤ زەخمدار ئەفسەریگ وبڕێ مەدەنی لەناویان بۊی. 

دۊیەشەو لە وەخت زۊییگ، ریخریاگ داعش پەلاماریگ دووانی وە بومبیگ دانریاگ لەبان ماشینیگ لۆری جیوەجی کرد، و هەنای خەڵکەگە و پۆلیس گردەو بۊن لە دوو شۊنەو وە چەک قەناس پەلاماریان داژ، ۆ بۊیە هووکار زەخمداری و قوربانی.