شەفەق نیوز/ وەڕێۆبەرایەتی وەرگری شارستانی، ئمڕوو چوارشەممە، خەوەردا لە دراوردن تەرم رانندەیگ و فریاکەفتن چەن زەخمداریگ لەوەر رووداویگ هاتوچوو لە پارێزگای دیوانیە.
وەڕێۆبەرایەتیەگە لە بەیاننامەیگ رەسیە ئاژانس شەفەق نیوز وت: تیمەیل وەرگری شارستانی تەرم رانندەیگ دراوردن و توێنستن بڕێ زەخمدار لە رووداوایگ هاتوچوو لەناوبەین ماشینیگ ساڵۆن و پاسیگ لە قەزای شامیە رزگار بکەن.
وتیش؛ هووکار رووداوەگە لەوەر تونی رانستن و کەم هووشیاری بویە.