شەفەق نیوز/ سەرچەوەیگ ئەمنی لە سەڵاحەدین، ئمڕوو پەنجشەممە، خەوەردا لە کەفتن یەک قوربانی و یەک زەخمدار لە حەشد شەعبی لەوەر پەلاماریگ لەلایەن ریخریاگ داعش لە باکوور پارێزگاگە.

سەرچەوەگە ئەرا ئاژانس شەفەق نیوز وت: ئەندامەیل داعش، دوێەشەو لە وەخت زوییگ،  پەلامار خاڵەیلیگ ئەمنی سەروە لیوای ٣٦ لە حەشد شەعبی لە ئاوای سورە لە کناراو چەپین قەزای شەرقات باکوور سەلاحەددین دان، و دیاری کرد ک حەشدەگە تەقە لە پەلاماردەرەیل کردن و هێزەیل پاڵپشتیلە پۆلیس فیدڕاڵی رەسین.

سەرچەوەگە دیاری کرد ک پەلامارەگە بویە هووکار کوشیان یەکیگ لە حەشەد شەعبی لەلیوای ٣٦ و زەخمداری یەکیگ تر، و پەلاماردەرەیلە پەنا وە واین بردن.