شەفەق نیوز/ تیمەیل وەرگری شارستانی، توێنستن ٣ هاووڵاتی رزگار بکەن و ١٤ تەرم سزیاگ دەر بکەن، ئەوەیش لە رووادو دڵتەزنیگ لەبان ری ناودەوڵەتی زوینەی پارێزگای موسەنا.
وەڕێۆبەرایەتی وەرگری شارستانی لە بەیاننامەیگ وت: رووداوەگە وە لەیەکدان ماشینەیل ستاریکس وەگەرد پاس گەورایگ لەبان ری زوینەی ناودەوڵەتی لە پارێزگای موسەنا بوی.
وتیش: تەقەلای فرەیگ دا تا توێنست پارچەیلیگ لە ماشینەیل بووڕێد و سێ کەس زەخمدار لەناویان دەر بکەێد، و رەوانەیان بکەێدە خەسەخانە، و تەرم ١٤ کەس وە سزیای دراورد و داگەی دەس پزشک دادوەری.