شەفەق نيوز- بغداد

کۆمپانیای گشتی بازرگانی خواردەمەنی لە وەزارەت بازرگانی عراق، ئمڕوو دووشەممە، قەیەغەی مەرەقەزکردن ریش وەشیوەیگ  "وەرچەو" لە شوین کارکردن کرد، و هوشداری دا هەکاتی "داعش یا ميليشيایەیل" نەکەن، کە ئەو کارە بویە مدوو نفرەتکردن پەرلەمانتاریگ.

لە بەڵگەنامەیگ فەرمی چاپیگی رەسیە ئاژانس شەفەق نیوز، کە لە کۆمپانیاگە دەرچگە ئەرا بەش و پەلەیلی و گشت شوینەیلی، لەژیر ناونیشان "گشتگیری"، کە "لە بنەمای پرنسیپ گشتی فەرمانبەریاتی، بڕیار دریا ئامادەبوین فەرمانبەر ئەرا دەوام فەرمی وەگورەی سیمای پووڕیای بوود، و ریش وەشیوەیگ مەرەقەزکردن نەکەن هەکاتی داعش یا ئەو میلیشیایل ترەک.

  بەڵگەنامە وتیش: وەڕیەوبەر شوینەگە تەواو وەرپرسایەتی هەڵگرێد ئەگەر لەیجویرە کارەیلیگ ئاگادار نەکرد.

 ئەو کتاو فەرمیە واژوو لوما هاشم حسێن خانمە وەڕیەوبەر کۆمپانیای گشتی بازرگانی خواردەمەنی هەڵگرد.

پەرلەمانتار ئەمیر مەعموری لەبان ئی بڕیارە وە پۆستیگ لەبان فەیسبوک هاتە دەنگ، کە وت: هەرکەسیگ ریش مەرەقەز بکەێد کەفێدە ژیر گومان داعش یا میلیشیایەیل، وە فەرمان وەڕیەوبەرایەتی گشتی بازرگانی خواردەمەنی.. چاپیگی ئەرا برایەیلم لە حەشد.