شەفەق نیوز ـ بەسرە

کۆمیسیۆن باڵای ماف مرۆڤ لە بەسرە، ئمڕوو چوارشەممە، داوا لە حکومەت ناوخوەی کرد ئاگادار فەرمانگەی تەندروسی پارێزگاگە بکەێد ئەرا جیوەجیکردن هەڵمەت پاکەوکردن و دەرمانڕشانن گشتگیر زیندان ناوندی  بەسرە، وە مدوو  قەلەبالغبوین زیندانەگە کە هاز وەرگردن وە پەنج ئەوەنە رەدکردیە، وەگەرد زیایبوین حالەتەیل هەستیاری لەناوەین زیندانیەیل.

نووسینگە کۆمیسیۆنەگە لە بەیاننامەیگ رەسیە ئاژانس شەفەق نیوز، وت : هەڵمەتەگە بایدە گشت کەرتەیل زیندانەگە و ئامرازەیل زیندانیەیل بگرێدە خوەی، وەرد دابینکردن ماددەیل دەرمانڕشانن و پاککردن هەوەجەیی.

 ئاشکرایکرد، داواکاریەگە لەوەر "قەرەباڵغی بان ئاسایی" لە زیندانەگەس، کە  پێنج ئەوەنە توان  خوەیە، کە بویەسە مدوو  بەرزبوین دیار لە تویشهاتن وە هەستیاری پووس و کۆئەندام هەناسەدان لەناوەین زیندایەیل..

هەمیش داواکرد،  لە هەڵمەتەگە  بنکەیل زیندانی سەر وە وەزارەت ناوخۆ بگردەخوەی، وەتایبەت بنکەیل جەنگ وەرد ماددە هۆشبەرەیل و تاوانەیل و هەواڵگری، وەگەرد گشت دەزگا ئەمنیەیل تریش.