شه‌فه‌ق نيوز/ ده‌مه‌و شه‌وه‌كى ئمڕوو، سه‌ركردايه‌تى فه‌رمانده‌يى به‌غدا ده‌يان سه‌ياره‌ ده‌سوه‌سه‌ر كرد، ك پابه‌ند نين وه‌ رينمايه‌يل بڕيار قه‌يه‌غه‌ى هاتوچوو.

سه‌ركردايه‌تيه‌گه‌ له‌ به‌ياننامه‌يگ وت: له‌وه‌ر گرتنه‌وه‌ر رێ وشوونه‌يل قه‌يه‌غه‌ى هاتوچوو له‌شار به‌غدا، هيزه‌يل ئه‌منيمان ده‌يان سه‌ياره‌ ده‌سوه‌سه‌ر كردنه‌ ك پابه‌ند نه‌وينه‌ وه‌ بڕيار قه‌يه‌غه‌ى هاتوچوو.

به‌ياننامه‌گه‌ يه‌يش ده‌رخست ك هويچ ئاسانكارييگ وه‌ل سه‌رپيچيكاره‌يل ناكريه‌ێد له‌ گرتنه‌وه‌ر رێ وشوونه‌يل ياسايى و ئاماژه‌ وه‌يه‌يش كرد ك 10 كه‌سيش له‌وه‌ر سه‌رپيچيكردن ده‌سگير كريانه‌ و پيشكه‌شيان وه‌ لايه‌ن دادوه‌رى ئه‌كريه‌ێد.