فه‌تلاوى له لا‌په‌ڕه‌ى تايبه‌ت خوه‌ى له بان ماڵپه‌ڕ په‌يوه‌نديه‌يل كومه‌لايه‌تى فه‌يسبوك ك(شه‌فه‌ق نيوز)ئاگادارى بوى، نويساگه: رووژ 9/8/ 2015 ئه‌نجومه‌ن وه‌زيره‌يل ده‌نگ له‌بان بريگ خاسسازى دا ك خود سه‌رۆك وه‌زيره‌يل گرته‌ى خوه‌ى ئه‌را ماوه‌ى دياريكرياگ و له‌يوا كرد مه‌ردم جاده‌ى عراقى گه‌شبين بوون وه‌پى، وه‌لى تا رووژ ئمڕوو عبادى پابه‌ند نه‌ويه وه وه‌خته‌يل ئه‌و خاسسازيه ك خوه‌ى پيشنياريان كرد.
فه‌تلاوى هه‌ميش نويساگه: تائيسه‌يش هويچ فه‌رمانيگ ديوانى ئه‌را لاوردن پۆست نوێنه‌ره‌يل هه‌ردوگ سه‌رۆكايه‌تى وه‌زيره‌يل و كۆمار ده‌رنه‌چيه نه له خوه‌ى و نه‌يش له سه‌رۆك كۆمار عراق و تائيسه‌يش مووچه‌ى خانه‌نشينى وه‌رپرسه‌يل ئه‌را ماوه‌ى دو هه‌فته‌س هويچ برياريگ فه‌رمى له‌باوه‌تيه‌و نه‌درياگه.