شه‌فه‌ق نيوز/ حه‌نان فه‌تلاوى راوێژكار سه‌رۆك وه‌زيره‌يل ئه‌را كاروبار ژنه‌يل، ئه‌و هه‌واڵه‌يله خسته دروو ك له‌باره‌ى پيشكه‌شكردن پيشنياريگ بويه سه‌باره‌ت وه پاداشكردن هه‌ركه‌سيگ بيوه‌ژن يا ته‌ڵاقدرياگيگ بخوازێد.
فه‌تلاوى له به‌ياننامه‌يگ وت: بڕيگ له لاپه‌ڕه‌و ماڵپه‌ڕه‌يل باس هه‌واڵيگ ده‌سكاريكرياگ كردنه له به‌رهه‌م سوپايه‌يل ئه‌لكترۆنى و له‌تى وتنه ك گوايا من پيشنياريگ پيشكه‌ش كردمه ئه‌را پاداشكردن ئه‌وانه‌گ بيوه‌ژن يا ته‌ڵاقدرياگيگ ئه‌خوازن.
فه‌تلاوى هه‌ميش وت: له‌وه‌ختيگ ئى هه‌واڵه ئه‌خه‌مه دروو وه‌گشت شيوه‌يگيه‌وه, گشت هه‌وليگيش ئه‌را خراوه‌كارى يا سووكايه‌تيكردن وه نرخ و كه‌رامه‌ت ئافره‌ت ره‌ته‌و ئه‌كه‌م و داوايش له هووكاره‌يل ره‌سانن ئه‌كه‌م وه دقه‌ته‌و هه‌واڵه‌يليان بڵاو بكه‌ن و وشدار بوون له هه‌واڵ دروو.