شەفەق نیوز/فرووشتنەیل بانک ناوەندی عراقی لە پارەی گران، ئمڕوو پەنجشەممە، بەرزەوبوینیگ وەرێژەی ١٥ لەسەد تۆمار کرد، تا بڕەسێدە ٧٨ مەلیۆن دۆلار.

پەیامنێر ئاژانس شەفەق نیوز وت: بانک ناوەندی عراقی لە بانگەشەی فرووشتن وسەنین پارە بیگانەکان ئمڕوو، بەرزەوبوینیگ لە فرووشتنەکانی وەڕێژەی ١٥،٤٥٪ وەخوەی دی، تا بڕەسێدە ٧٨ مەلیۆن و ٩٧٠ هەزار دۆلار، بانکەگە وە نرخ ١٤٦٠ دینار ئەرا هەر یەک دۆلار پووشادەی، وە بەراوردی وەگەرد دوێەکە چوارشەممە ک فرووشتنەکانی رەسیە ٦٨ مەلیۆن و ٤٠ هەزار دۆلار.

وتیش؛ گشت فرووشتنەکان ئەرا پاڵپشتی بنمایەگان لە دەیشت وەشیوەی هەواڵە و چەک چگن، وهیچیگ وە شیوەی کاش نەسەنیا.

پەیامنێرەگەمان ئاماژە کرد ک ١٢ بانک داواکاریەیل پاڵپشتی بنمایەکان لە دەیشت جیوەجی کردن.