شەفەق نیوز- بەغداد

فرووشتن بانک ناوەندی عراق لە پویل بیانی لە ماوەی مانگ تشرین یەکەم/ ئۆکتۆبەر 2026 وە رێژەی 54.2% بەرزەوبوین وەخوەی دی وە بەراورد وەگەرد مانگ ئەیلوول، ئەرا ئەوەگ زیاتر لە 6.2 ملیار دۆلار توومار بکەێد، وەپای داتایەیل ئامار دەرچگ لە بانک ناوەندی.

ئەو داتایەیلە کە ئاژانس شەفەق نیوز ئیسفایکردیە دەرخسن گشت فرووشەیل بانک ناوەندی لە پویل بیانی رەسیە 6 ملیار و 201 ملیۆن دۆلار لە ماوەی تشرین یەکەم، وە بەراورد وەگەرد 4 ملیار و 21 ملیۆن دۆلار لە ئەیلوول، وە زیایبۊنیگ  رەسیە دوو ملیار و 180 ملیۆن دۆلار.

کارەیل پتەوکردن باڵانس بانکە عراقییەیل لە دەیشت بەش گەپتریگ لە فرووشتنەیل داگیر کردن، وە بڕ 6 ملیار و 70 ملیۆن دۆلار، لە وەختیگ فرووشتن کاش رەسیە 131 ملیۆن دۆلار.

لەبان بنەمای ساڵانە، فرووشتن تشرین یەکەم 2026 داوەزیانیگ وە رێژەی 4.5% توومار کرد وە بەراورد وەگەرد هەمان مانگ لە ساڵ 2025، وەختیگ  رەسیە 6 ملیار و 491 ملیۆن دۆلار.

گشت فرووشتن بانک ناوەندی لە پویل بیانی لە ماوەی دە مانگ یەکەم ساڵ 2026 رەسیە نزیکەی 45 ملیار و 493 ملیۆن دۆلار، وەرانوەر 67 ملیار و 272 ملیۆن دۆلار لە ماوەی هەمان ماوە لە ساڵ 2025، وە داوەزیانیگ  رێژەگەی 32.4% بۊ.