شەفەق نیوز/ بڕ گشتی فرووش دۆلار بانک ناوەندی لە ماوەی هەفتەی گوزەشتە زیاتر لە یەک ملیار دۆلار بویە، لە زیایکردنەگەی کە ئەرا ماوەی پەنج رووژ واز کرد.

 پەیامنێر ئاژانس شەفەق نیوز وت: لەی ماوەی بانک ناوەندی بڕ یەک ملیار و 434 ملیۆن و 982 هەزار و 505 دۆلاری فرووشتیە، وەڕیژەی رووژانە 286 ملیۆن و 996 هەزار و 501 دۆلار، کە یەیش زیاترە لە فرووش هەفتەی گوزەشتە کە یەک ملیار و ١٦٩ ملیۆن و ٣٢ هەزار و ٨٨٤ دۆلار بویە.

 بەرزترین فرووش دۆلار لە رووژ دووشەممە توومار کریا کە بڕی ٢٩٢ ملیۆن و ٤٢٧ هەزار و ٧١٣ دۆلار بوی، کەمترین فرووشی رووژ چوارشەممە بویە وە ٢٨١ ملیۆن و ٩٧٩ هەزار و ٣٤٤ دۆلار.

 پەیامنێرمان وتیش: فرووش هەواڵەی دەرەکی لە ماوەی هەفتەی گوزەشتە یەک ملیار و 380 ملیۆن و 782 هەزار و 505 دۆلار بویە، کە وەرانوەر فرووش نەختینەیی کە 54 ملیۆن و 200 هەزار دۆلار توومارکردگە، وەڕیژەی 96% زیایکردگە.