شەفەق نیوز/ فرووشەیل بانک ناوەندی عراق، ئمڕوو دووشەممە، لە 300 ملیۆن دۆلار رەد کرد، وە بەشداریکردن 8 بانک.

پەیامنێر ئاژانس شەفەق نیوز وت: بانک ناوەندی لە زیایکردن ئمڕوو بڕ 307 ملیۆن و 10 هەزار و 836 دۆلار فرووشت، وە نرخ بنەڕەتی 1310 دینار ئەرا هەر دۆلاریگ ئەرا کرێدیت دۆکیومێنتکاری و یەکلاییکردن ناودەوڵەتی ئەرا کارت ئەلیکترۆنی، وەنرخ 1305 دینار ئەرا هەر دۆلاریگ وە کاش.

 وتیش: فرەی فرووشەیل دۆلار ئەرا قایمکردن باڵانسەیل دەیشت وڵات وەشیوەی هەواڵە و قەرزکردن چگە، کە رەسیە 275 ملیۆن و810 هەزار و 836 دۆلار، وەڕیژەی 88%، وەچەو فرووش کاش کە رەسیە 31 ملیۆن و 200 هەزار دۆلار.

پەیامنێرمان وتیش: یەک بانک دۆلار کاش سنەیە، و شمارەی ئەو بانکەیلە کە وەڵام داواکارییەیل بەرزکردن باڵانسەیل دانەسەو لە دەیشت وڵات رەسیەسە 7 بانک، و شمارەی کۆمپانیایل ئاڵوگۆڕ و دەڵاڵی کە بەشداری لە زیایکردنەگە کردنە رەسیە 40 کۆمپانیا.