شەفەق نیوز/ فرووش دۆلار بانک ناوەندی عراق، ئمڕوو چوارشەممە، زیاییکرد، و رەسیە زیاتر لە 253 ملیۆن دۆلار لە زیایکردن ئاشکرای ئمڕوو، وەچەو فرووش دویەکە سێشەممە.

 پەیامنێر ئاژانس شەفەق نیوز وت: ئمڕوو بانک ناوەندی عراق لە زیادکردنەگەی بڕ 253 ملیۆن و 480 هەزار و 742 دۆلار فرووشت، کە وە نرخ بنەڕەتی 1310 دینار ئەرا هەر دۆلاریگ ئەرا کرێدیت دۆکیۆمێنتاری و یەکلاییکردن ناودەوڵەتی ئەرا کارت ئەلیکترۆنی، وە نرخ 1310 دۆلار دینار ئەرا هەر دۆلاریگ ئەرا هەواڵەی دەرەکی، و وە نرخ 1,305 دینار ئەرا هەر دۆلاریگ وە کاش.

وتیش: فرەی فرووش دۆلار ئەرا قایمکردن باڵانسەیل دەیشت وڵات بویە، وەشیوەی هەواڵە و قەرز، کە بڕی 245 ملیۆن و 930 هەزار و 742 دۆلار بویە، وەڕیژەی 97% زیادیکردگە وەچەو فرووش نەختینەیی کە بڕی 7 ملیۆن و 550 هەزار دۆلار بویە.

 پەیامنێرمان وتیش: شمارەی ئەو بانکەیلە کە دۆلار کاش سەننە یەک بانک بویە، و شمارەی ئەو بانکەیلە وەڵام داواکارییەیل بەرزکردن باڵانسەیل دانەسەو لە دەیشت وڵات رەسیەسە ١٤ بانک،  و بڕ گشتی کۆمپانیایل ئاڵوگۆڕ و دەڵاڵی کە بەشداری لە زیادکردنەگە کردنە رەسیە ١٤ کۆمپانیا.