شەفەق نیوز/ "وەرگیری ئیسلامی لە عراق" کە سەر وە لایەنە چەکدارەیل شیعەن، ئمڕوو یەکشەممە، راگەیانن، لەڕی فرۆکەی بی فرۆکەوان دەسکردنەس وە پەلامارداین بنکەی هێزەیل ئەمریکی لە فرۆکەخانەی ناودەوڵەتی هەولێر لە هەرێم کوردستان.
یەیش یەکەم ئۆپراسیۆن چەکداریە لەعراق لە دویای کۆتایی هاتن ئاگربەس وەختانەی ناوەین ئیسرائیل و حەماس لە کەرت غەزە.
ئمڕوو لە بەیاننامەیگ کە چوودەو ئەرا لایەنەیل راگەیانن، "چەکدارەیلیان بنکەی ئەمریکی لە فرۆکەخانەی هەولێر کردنەسە ئامانج، وە فرۆکەی بی فرۆکەوان، ئامانجەگەیان وەشیوەی راستەوخوەی بویە".
تا ئیسە هویچ لێدوانیگ لەباوەت پەلامارەگە نەدریاگە وەلایەن دەسڵاتدارەیل ئەمنی هەرێم.