شەفەق نیوز ـ بەغداد

11 ناوچەی عراق و هەرێم، ئمڕوو چوارشەممە، هانە ناو لیست 15 ناوچە گەرمەگەی بان جەهان لەماوەی بیس و چوار ساعەت وەرین، لەناوەین ئەو شەپوول گەرمی تونە دایەس لە ناوچەگە.

فرۆکەخانەی ناودەوڵەتی بەسرە ها لوتکەی لیسەگە وە پلەی گەرمی 51.0 پلە، لەدویای کەرکوک تێد وە ـ50.9 پلە و ئمجا ئەهواز وە ـ50.8 پلە و ئابادان لە ئیران وە 50.6 پلە، و عەمارە لە عراق وە 50.5 پلە.

فرۆکەخانەی ناودەوڵەتی کوەیت وە شەشەم تێد وە ـ50.3 پلە، و لەدویای  بەسرە ـ حسێن لە عراق وە 50.2 پلە تێد، و ناسرەیە لە عراق  وە 50.2 پلە، لەدویایی ئابادان لە ئیران وە 50.2 پلە، لەدویای ناودەوڵەتی ئەشرەف وە49.8 پلە، ئمجا عەلی غەربی وە  ـ49.6 پلە.

عەمیدیە لە ئیران وە پلەی دوانزەیەم تێد وە 49.6 پلە و لەدویای دوزخورماتو تێد وە 49.6 پلە، و سەماوە وە 49.5 پلە، لەکۆتایی ئەحسا لە سعودیە وە 49.4 پلەی سەدی.