شەفەق نیوز/ سەرچەوەیگ ئەمنی لە پارێزگای سەڵاحەدین، ئمڕوو شەممە، خەوەردا لە کوشیان و زەخمداری ٢١ کەس وە رویداویگ هاتوچو دڵتەزن لە دەورگرد قەزای سامەڕا.
سەرچەوەگە ئەرا ئاژانس شەفەق نیوز وت: ٦ لەلای کەمەو گیانیان لەدەسدان و ١٥ کەسیش زەخمدار بوین فرەیان ئەندام وەزرات وەرگری بوین، ئەوەیش وە رویداویگ هاتوچو ناوبەین چەن ماشینیگ لەبان ری سامەڕا - سرسار.
وتیش: مەفرەزەیل فریاکەفتن و وەرگیری شارستانی تەرم قوربانیەیل ئەرا پزشک دادوەری بردن، و دەسەڵاتەیل هاتوچو لێکۆڵینەوە لە رویداوەگە واز کردن.